Ruwaayadii DUMISTII AQALKAYGA IYO AROOSKII INANKAYGA Iyo Qaar Ka Mida Heesihii Ku Jiray

Dumistii aqalkayga iyo arooskii inankayga. Ruwaayadan oo uu curinteeda lahaa Abwaan Xasan Ganay  waxa la dhigay habeenkii kala wareega sannadkii 1978-kii iyo 1979-kii.Ruwaayadan oo ahayd mid ay aad uga heleen dadkii daawaday waxa ku jiray heeso aad u qiimo badnaa.Heesihii riwaayaddan ku jiray waxa ka mid ahaa:-
    • Ma ogtahay curyaankaba, cago looma waayine: Xasan Aadan Samar iyo Xaliimo Khaliif Magool   • Goronyooy  gabal kuu dhac: Xasan  Aadan Samatar    • Waanigan jiciirtee jaaw nabad galyoo: Xaliimo Khaliif Magool    • Dadna adaa ugu qurux badan, dumarna waa adoo qudha: Xasan Aadan Samatar iyo Xaliimo Khaliif Magool Ruwaayadan heesta ugu caansanayd waxay ahayd heesta ay wada qaadaan Xasan Adan Iyo Xaliimo Khaliif Cumar Magool, ee Ma ogtahay curyaankaba, cago looma waayine.

Xasan Aadan Samatar

Cishaduu Ilaahay Cirka taagay udub li’ Ciiddana ka dhigay gogol Wabiyada cartamayiyo Cidhifyada bad kaga xidhay Iyo buuraahaa culus Cimrigeed adduunyada Waxa jiraa col iyo nabad Caydh iyo nin xoola leh Iyo laba is caashaqay Caawana kamay tegin Caynkaynu ku ogeyn Adna calafka kuu qoran Cunaha  seegi maayee Caashaqa ha baayicin

Xaliimo Khaliif  Cumar (Magool) IHNCadad kuu Ilaahay

caradeenna joojee Aadan ciidda ka alkumay Xaawana cadkiisiyo Feedh calaanta laga dhigay Cishadaa ma uunneyd Caawana ma nooshahay Caqlaa diiday hadalkuu Carrab dalab la’ sheegee Ceeryaamo iyo boodh Ciiro ha isku qarinine Noloshayda caydh iyo Cilmi guur aan ku fadhiyin Ku caar caari maaye Caashaqa iska ilowXasan Aadan SamatarXalay taba  caweyskii Canabay daruuruuhu Cimidh bay ahaayeen Caawana lagu ma oga Wakhtigii ku ciiliyo Cisigiyo wanaaguna Way is daba caraabaan Waxaana kuu caddayn kara Caamiyaha indhaha liyo Ma ogtahay curyaankaba Cago loo ma waayine Caynkaa waxa loo yidhi Kuwa cararayee ladan Inay ku cibro qataan Caashaqa ha baayicin

Xaliimo Khaliif ( Magool)

Bada caarid maalmaha Cawa daranta fiidkiyo Caddadaa walaalo ah Cadceeddii timaadaana Dadka ruux cadibanoo Waayuhuu ku ciiriyo Mid caruusa yaa jiro Caad iga ma saarnee Ee cilmiyada ilaahay Anigoon aan caasiyin Cabsi ha igu galinine Adiga oo aan  cuud dhaqan Caashaqan ku taabtaan Cudur-daar u yeelee Ceeb kale miyaan dhigay?