Xus Oo Yaanay Xiskaaga Ka Bixin 18 May

Sannadkasta marka la gaadho bisha afraad iyo horaanta bisha shanaad waxa guud ahaanba bulshada Somaliland laga dareeyaan diyaar garaw badan iyo u tafa xaydashada xuska maalinta 18 May. Aniga aragtida macnuhu maaha maalinta ama bishan oo kaliya ayuunbay dadku muwaadiniin yihiin ee waa maalin inoo gaar ah oo ku beegan dhalashada qaranimadeenan sannadkan uun 24 jirsanaysa.

Bilahan aan soo sheegay waxa baraha bulshada sida Facebook hadheeya astaamaha calanka Somaliland iyo ereyo qofwaliba garaadkiisa ku muujinaayo halka uu ka taagan yahay jacaylka uu u hayo dalkiisa Somaliland. Hilawga iyo jacaylku waxa uu ku badan yahay baan isleeyahay dadka ku nool wadamada dibada ee aan nasiibka u helin inay maalintan ku xusaan ciidooda Hooyo.

Gees kale hadaan dayo, waxa bilahan kor u kac balaadahani ku yimaadaa oo aan layku gaadhinba sadexda midab ee kala ah cagaarka, cadanka iyo casaanka oo aynu u xulanay in uu calankeenu ka koobnaado.

Waa run oo alle dadkiisa sida uu doono ayuu arsaaqada u siiyaa, waxa jira dadbadan oo nolol maalmeedkooda ka raadsada qoysaskooda dheer dhaqaale oo ay ku daboolaan noloshooda dadka riyaaqsan ee sida aan xisaabta lahayn u iibsanaaya waxkasta oo ay kaga qayb qaadan karaan xuska maalintan 18 May.

Debaaldegii maalintii dhalashada qarankeena Somaliland oo 24 jirsan doona waxa inooga hadhay maalmo kooban, shacabka waxa la gudboon in ay si wada jir ah u ilaashadaan nabada iyo xasinoonida aan laynaga iibin ee Eebe wayne inoogu deeqay. Waxa haboon in gacana calanka lagu hayo gacana qaranimada.