Hargeysa (Jamaal Macalin Blog.) - Sheekh Maxamed Sheekh Cumar Dirir ayaa waxa barnaamijka todobaala ha ah ee la yidhaa dariiqa toosan, kaas oo baxa Radio Hargeysa lagu waydiiyay su’aal ahayd......Sheekhoow subixii jaraa’idda iyo mareegaha Internet-ka (Webste) ee wararka ma booqan karaa, oo wararka ay qoraan ma akhriyi karaa.?Sheekhii arrintaa waxa uu ka bixiyay jawaab gaaban, hadan aan miisaankeedu yaranay, waxaanuu yidh “Haa waad booqan kartaa, wararkana waad ka akhrisan kartaa hadaan galaan lagu darayn.”!!!.Runtii waxaan aad uga helay jawaabta cilmiyaysan ee sheekha, taas oo aan u fahmay hadaan caadifada qabyaaladeed ama arrimaha la hal maalaa aanay kaa sayid calaynayn.
Alle ha daayee Sheekha Maxamed Sheekh Cumar Dirir iyo culimadeena kale ee qiimaha lehba.
Sheekhu waa dhaqan yaqaan arrimaha bulshada ku saleeya su’aalaha la waydiiyo jawaabahooda, si loo wada fahmo.
Anuu maan dhagaysan jawaabta wadaadka se nin oday ah oo dhagaystay ayaa nala wadaagay, aadna waanu uga wada helnay jawaabta sheekha markii uu noo sheegay.
Way dhici kartaa inaad idina haysaan ama aad xasuusataan jawaabo tan ka sii xiiso badan oo Sheekhu ka bixiyay su’aalo diini ah oo la waydiiyay.
W/Q: Jamaal Macalin
No comments:
Post a Comment